«Նաիրի» բժշկական կենտրոնի քիմիաթերապիայի ծառայությունը գործում է 2012 թվականից: Այն հիմնադրվել է ֆրանսիահայ բժիշկ Գևորգ Աբգարյանի կողմից: Վերջինս մինչ օրս ղեկավարում է ծառայության աշխատանքը։ Ծառայությունում իրականացնում են չարորակ ուռուցքների ժամանակակից մեթոդներով քիմիա և իմունոթերապիա՝ կիրառելով բացառապես եվրոպական և ամերիկյան բուժման սխեմաներ, բարձրորակ դեղորայք։ Մասնագետներն անցել և պարբերաբար անցնում են վերապատրաստումներ Եվրոպայում, տիրապետում են միջազգային ուռուցքաբանության անհրաժեշտ բոլոր  հմտություններին։

Ծառայության վարիչ, բ.գ.թ. Լևոն Գրիգորի Բադալյանը հանրապետությունում ոլորտի առաջատար մասնագետներից է, միջազգային ուռուցքաբանական ասոցիացիաների անդամ է, մասնակցում է ամենամյա առանցքային գիտաժողովների։

Ծառայության քույրական անձնակազմը նույնպես վերապատրաստված է, տիրապետում է նորագույն պրեպարատներով աշխատելու հմտություններին։  

Ծառայությունը հագեցած է անհրաժեշտ բոլոր  սարքավորումնրով, մասնավորապես` էլեկտրոնային ինֆուզոմատներով և պոմպերով, որոնք թույլ են տալիս մաքսիմալ ճշգրտությամբ իրականացնել քիմիաթերապիայի սխեմաները։ Մազաթափության կանխման համար կիրառվում է ժամանակակից Paxman սարքը։

Քիմիաթերապիայի ժամանակ, երակները վնասելու բարդությունից խուսափելու նպատակով` կիրառվում են հատուկ Portacath իմպլանտացիոն կաթետերներ։ Բաժանմունքում ստեղծված են լավագույն պայմանները բուժառուներին գրագետ բուժում և  մաքսիմալ հարմարավետություն ապահովելու համար։