Ի՞նչ է էլեկտրոէնցեֆալոգրաֆիան

Էլեկտրոէնցեֆալոգրաֆիան (ԷԷԳ) գլխուղեղի կենսաէլեկտրական ակտիվության հետազոտման ոչ ինվազիվ մեթոդ է։ Այն հիմնված է գլխուղեղի նեյրոնների կողմից արտադրվող էլեկտրական ազդանշանների գրանցման վրա։ ԷԷԳ-ի ընթացքում հատուկ էլեկտրոդները տեղադրվում են գլխամաշկի վրա և միացվում են սարքին, որը ֆիքսում է ուղեղի աշխատանքը տարբեր ժամանակային միջակայքերում։

Այս մեթոդը բժշկությանը հնարավորություն է տալիս գնահատել գլխուղեղի ֆունկցիոնալ վիճակը և հայտնաբերել տարբեր նյարդաբանական խանգարումներ։ ԷԷԳ-ն անվտանգ է և անցավ։

Ե՞րբ է ցուցվում ԷԷԳ

ԷԷԳ-ն լայնորեն կիրառվում է նյարդաբանության և նյարդավիրաբուժության ոլորտում։ Այն ցուցվում է հետևյալ դեպքերում․

• Էպիլեպսիայի ախտորոշում և նոպաների բնույթի պարզում
•  Բովանդակային գիտակցության խանգարումների (գլխապտույտ, ուշագնացություն, անգիտակցություն) պատճառների ուսումնասիրում
•  Գլխուղեղի բորբոքային հիվանդությունների (էնցեֆալիտ, մենինգոենցեֆալիտ) ախտորոշում
•  Ուղեղի արյունատար անոթների պաթոլոգիաներ հայտնաբերում և ինսուլտից հետո վերականգնման հսկողություն
•  Գլխուղեղի ուռուցքների կամ վնասվածքների գնահատում
•  Քնի խանգարումների ուսումնասիրություն (քնի ապնոէ, ինսոմնիա և այլն)
•  Բուժման արդյունավետության վերահսկում էպիլեպսիայով կամ այլ նյարդաբանական հիվանդություններով պացիենտների մոտ

ԷԷԳ-ն հաճախ ցուցվում է նաև վիրահատություններից առաջ՝ գլխուղեղի ֆունկցիոնալ վիճակը գնահատելու համար։

Ինչպես է իրականացվում ԷԷԳ-ն

Հետազոտությունն իրականացվում է հատուկ սարքավորման՝ էլեկտրոէնցեֆալոգրաֆի միջոցով։ Պացիենտը նստում կամ պառկում է հարմարավետ աթոռին։ Գլխամաշկին տեղադրվում են փոքր էլեկտրոդներ, որոնք ֆիքսվում են կոնդուկտիվ գելով։ Այս էլեկտրոդները գրանցում են ուղեղի բջիջների էլեկտրական ազդակները և փոխանցում համակարգչին։

Գոյությունի ունեն ԷԷԳ հետազոտության մի քանի տևողություն՝ ~ 30րոպե, 1 ժամ, 2 ժամ, 24 ժամ, ինչպես նաև ԷԷԳ քնի դեպրիվացիայով (1-2 ժամ)։ Որոշ դեպքերում բժիշկը կարող է կիրառել լրացուցիչ ֆունկցիոնալ փորձաքննություններ՝ լուսային գրգռում կամ խորը շնչառություն, որոնք օգնում են հայտնաբերել թաքնված պաթոլոգիաներ։

ԷԷԳ-ն լիովին անցավ է և չի առաջացնում կողմնակի ազդեցություններ։ Հետազոտությունից հետո պացիենտը կարող է անմիջապես վերադառնալ իր առօրյա գործերին։

Ինչ է ցույց տալիս ԷԷԳ-ն

ԷԷԳ-ն արտացոլում է գլխուղեղի տարբեր հատվածների էլեկտրական ակտիվությունը՝ ալիքների ձևով։ Այդ ալիքները վերլուծելով՝ նյարդաբանը կարող է․

• Հայտնաբերել էպիլեպտիկ ակտիվության օջախներ
•  Գնահատել ուղեղի կենսաէլեկտրական ակտիվության ընդհանուր մակարդակը
•  Հսկել դեղորայքային բուժման ազդեցությունը
•  Հայտնաբերել տարբեր օրգանական կամ ֆունկցիոնալ խանգարումներ
•  Հաշվի առնել ուղեղի ռեակցիան գրգռիչներին (լույս, ձայն, հիպերվենտիլացիա)

Արդյունքները բժիշկը վերլուծում է և կազմում եզրակացություն, որը կարևոր դեր ունի ախտորոշման և հետագա բուժման պլանավորման համար։

Որտեղ իրականացնել ԷԷԳ Երևանում

«Նաիրի» բժշկական կենտրոնում ԷԷԳ-ն իրականացվում է ժամանակակից սարքավորումներով և փորձառու նյարդաբանների կողմից։ Կենտրոնը ապահովում է․

• Բարձր ճշգրտության սարքավորումներ՝ գլխուղեղի ակտիվության մանրամասն գրանցման համար
•  Հարմարավետ պայմաններ և անհատական մոտեցում
•  Հնարավորություն անցկացնել հետազոտությունը ինչպես մեծահասակների, այնպես էլ երեխաների համար
•  Արդյունքների մասնագիտական վերլուծություն և խորհրդատվություն

ԷԷԳ-ն «Նաիրի» ԲԿ-ում լիովին անվտանգ է, իրականացվում է միջազգային չափանիշներին համապատասխան և ապահովում է բարձր ախտորոշիչ արժեք։

Գրանցվելու համար կարող եք զանգահարել 89 00 հեռախոսահամարին կամ այցելել կենտրոն՝ հասցեով՝ Պարոնյան 21։