Գաստրոսկոպիան կամ վիդեոգաստրոդուոդենոսկոպիան մարսողական ուղու վերին հատվածի՝ կերակրափողի, ստամոքսի, տասներկումատնյա աղիքի և նրա վայրէջ հատվածի լորձաթքղանթի զննման ամենահուսալի մեթոդներից է։ Այս հետազոտությունը օգնում է հայտնաբերել տարբեր ախտաբանական խնդիրներ՝ բորբոքումից և խոցերից մինչև ուռուցքներ։ 

Ինչի՞ համար է նախատեսված գաստրոսկոպիան

Գաստրոսկոպիան թույլ է տալիս ախտորոշել մի շարք հիվանդություններ՝

• Ստամոքսի և 12մ աղու լորձաթաղանթի բորբոքումներ
• խոցային հիվանդություններ
• արյունահոսությունների հայտնաբերում և դրանց դադարեցում
• Լորձաթաղանթի ատրոֆիայի նշաններ
• Բարորակ կամ չարորակ գոյացություններ

Այս հետազոտությունը շատ կարևոր է ստամոքսի ցավերի պատճառը պարզելու, երկարատև այրոցի, փսխման, ախորժակի կորստի կամ հեմոգլոբինի անկման դեպքում։

Ե՞րբ է ցուցվում գաստրոսկոպիա

Գաստրոսկոպիան ցուցվում է, երբ առկա են հետևյալ գանգատները կամ կասկածելի ախտանիշները՝

• Ստամոքսի և վերին որովայնի ցավեր
• Քաշի անկում (առանց պատճառ)
• Արագ հագեցվածության զգացում, ախորժակի կորուստ
• Փսխում, այրոց, թթվային համ բերանում
• Արյան առկայություն փսխման մեջ

Վքնածություն, սակավարյունություն, 

Բացի ախտորոշիչ նպատակներից, գաստրոսկոպիան հաճախ իրականացվում է նաև բուժական նպատակներով։

Ինչպե՞ս պատրաստվել գաստրոսկոպիայի

Գաստրոսկոպիայի արդյունքների ճշգրտությունն ապահովելու համար կարևոր է ճիշտ պատրաստվել՝

• Հետազոտությունից 12 ժամ առաջ պետք է չընդունել սնունդ
• Հետազոտության օրը կարևոր է չօգտագործել որևէ սնունդ և հեղուկ
• Եթե պացիենտը մշտապես դեղեր է ընդունում, բժիշկի հետ պետք է նախապես համաձայնեցնել դրանց օգտագործումը

Հետազոտության օրն անհրաժեշտ է ներկայանալ դատարկ ստամոքսով։

Ինչպե՞ս է իրականացվում գաստրոսկոպիան

Գաստրոսկոպիան կատարվում է հատուկ բարակ խողովակի՝ գաստրոսկոպի միջոցով, որն ունի լույս և տեսախցիկ, ինչը թույլ է տալիս բժշկին դիտել լորձաթաղանթը։

Տևում է միջինում 5–10 րոպե։ Անհրաժեշտության դեպքում բժիշկը կարող է վերցնել լորձաթաղանթի նմուշ (բիոպսիա) հետագա լաբորատոր ուսումնասիրության համար։

Հետազոտության արդյունքում հնարավոր է՝

• Հայտնաբերել բորբոքային կամ խոցային փոփոխություններ
• Հաստատել Helicobacter pylori վարակը
• Գնահատել ուռուցքների բնույթը
• Հսկել բուժման ընթացքը և արդյունավետությունը

Կատարել բուժական գործողություններ(արյունահոսությունների դադարեցում, գոյացությունների հեռացում, լիգավորում, ստենտավորում, ներստամոքսային բալոնի տեղադրում)

Գաստրոսկոպիա ն/ե անզգայացումով

Շատ պացիենտներ նախընտրում են իրականացնել գաստրոսկոպիան ն/ե անզգայացմամբ՝ գործընթացն ավելի հարմարավետ դարձնելու համար։ Անզգայացման ժամանակ պացիենտը գտնվում է խոր քնի մեջ և չի զգում ոչ մի անհարմարություն։ Անզգայացումով գաստրոսկոպիան կատարվում է փորձառու անեսթեզիոլոգի հսկողությամբ՝ ապահովելով լիակատար անվտանգություն։

Որտե՞ղ կարելի է անցնել գաստրոսկոպիա Երևանում

Գաստրոսկոպիա Երևանում կարող եք իրականացնել «Նաիրի» բժշկական կենտրոնում։ Այստեղ հետազոտությունն իրականացվում է նորագույն սարքավորումներով, փորձառու էնդոսկոպիստների կողմից՝ ինչպես տեղային, այնպես էլ ն/ե անզգայացմամբ։

Գրանցվելու համար կարող եք զանգահարել 89 00 հեռախոսահամարին կամ այցելել կենտրոն՝ հասցեով՝ Պարոնյան 21։