Որովայնի և կոնքի խոռոչի վիրահատությունների ժամանակ նախապատվությունը տրվում է նվազագույն ինվազիվ վիրահատական մեթոդներին, որոնք, նոր տեխնոլոգիաների կիրառմամբ, քիչ տրավմատիկ են, ունեն արյունահոսության և հետվիրահատական բարդությունների ցածր ռիսկեր, ապահովում են գերազանց կոսմետիկ արդյունք, ստացիոնար օրերը նվազագույն են (1-2 օր), հետվիրահատական վերականգնման փուլը կարճատև է:

Ծառայության մասնագետները մեծ փորձ ունեն նաև որովայնի խոռոչի, կերակրափողի և ռետրոպերիտոնեալ տարածության տարբեր հիվանդությունների ինվազիվ միջամտությունների ասպարեզում։

Ժամանակակաից սարքերով և նորարարական բուժման մեթոդներով կատարվում են լայնածավալ միջամտություններ` պացիենտի կյանքի համար նվազագույն ռիսկերով: Մոդերնիզացված վիրասրահում իրականացվում են բարդագույն վիրահատություններ: Անհրաժեշտության դեպքում, վիրահատությունների ժամանակ ապահովվում է արտերկրի հայտնի մասնագետների մասնակցությունը` հեռաբժշկության միջոցով: Իրականացվում է հեռաուսուցում և փորձի փոխանակում` արտերկրի և Հայաստանի գործընկերների միջև:

Ախտորոշիչ և բուժական գործունեության ընթացքում ծառայությունը համագործակցում է «Նաիրի» ԲԿ այլ ծառայությունների մասնագետների հետ (էնդոսկոպիկ, ընդհանուր և լապարոսկոպիկ վիրաբուժության, պրոկտոլոգիայի, էնդոկրինոլոգիայի, ֆիզիոթերապիայի) և, հարկ եղած դեպքում, հիվանդը կարող է ժամանակավոր տեղափոխվել այլ բաժանմունք` համապատասխան միջամտություններ ստանալու նպատակով: